Харцоно ц1е тесна, хийла хьо йагарх,

нохчийчоь ца йоьжна — г1еттина йаха,

Кавказан ткъес хилла — маршонан ага,

Хьан лаьттан сий дина йахь йолчу наха.

***

Барт болу хьан къаьмнаш — мах боцу беркат!

Хьо йоцург Нана йац нохчийн халкъ хьаста

Тхан дахар, тхан дерзар Даймехкан кхерчахь

Декъалдар доьхуш ду, Далла беш хастам.

***

Башламан баххьашка дайн синош дуьссу.

Органан тулг1ено ненан мотг буьйцу,

Исбаьхьа совг1ат хьо, азаллехъ делла!

Шатлакхан илли ду тхуна ницкъ белларг!

***

Къинхьегам, хьан хьуьнарш хазделла шайна,

Хьайн халкъан лерамбар кхаъ хуьлда хьуна,

Машаран г1аролехь ирсан некъ тайна,

 Сий долуш, Нохчийчоь йехийла тхуна!».